«Барселона» ва Испания терма жамоаси собиқ ҳимоячиси, Сегунда иштирокчиси «Андорра» клуби ҳаммуаллифи Жерар Пике яна ҳакамликдан норози бўлди. Жамоасининг «Альбасете»дан учралган мағлубиятидан (0:1) сўнг, Пике ижтимоий тармоқлардаги саҳифаларида арбитр ўз вазифасини уддалай олмаганини ёзиб қолдирди.

Диққат марказида ўтказиб юборилган гол билан боғлиқ вазият бўлди — Пикенинг фикрича, ўша вазиятда рақиб томонидан қоида бузилган, бироқ бош ҳакам ва VARдагилар буни эътиборсиз қолдирган.

Учрашув якуни майдондан четлатишлар, шунингдек, трибуна ости йўлагида Пике иштирокидаги жанжал ва ҳакамларни ҳақорат қилиш билан хотима топди. Ўйин қайдномасида Пике ўзини агрессив тутгани қайд этилган.

Айни дамда унинг жамоаси 9-ўринда бормоқда ва юқори ўринлар учун курашдан деярли чиқиб кетган. Маълумот учун, Пике келгунига қадар «Андорра» Каталониянинг минтақавий лигаларида юрган эди.