Англиянинг «Кристал Пэлас» клуби устози Оливер Гласнер Конференциялар Лигаси ярим финалининг жавоб учрашувида Украинанинг «Шахтёр» жамоаси устидан қозонилган ғалаба ҳақида фикр билдирди. «Бургутлар» 2:1 ҳисобида зафар қучишди.
«Бу ҳаяжонли қарама-қаршилик бўлди. Рақибимиз қанчалик кучли эканлигига ҳамма гувоҳ бўлди. Шогирдларим ўйин учун тузилган режага қатъий амал қилишди. Бу ғалабада уларнинг хизмати катта», — дея мутахассиснинг сўзларини келтиради TNT Sports.
Эслатиб ўтамиз, дастлабки учрашувда «Кристал Пэлас» Украина клубини 3:1 ҳисобида мағлуб этган эди. Конференциялар Лигасининг финал босқичида Гласнер жамоаси Испаниянинг «Райо Вальекано» клубига қарши майдонга тушади. Ўйин 27 май куни Лейпцигдаги стадионда бўлиб ўтади.
