«Ньюкасл» бош мураббийи Эдди Хау мавсумнинг қолган сўнгги ўйинлари ҳақида ўз фикрлари билан ўртоқлашди.
«Бизнинг бутун эътиборимиз қолган ўйинларда ғалаба қозонишга қаратилган. Ушбу ҳафтада яхши тайёргарлик кўрдик. Йигитлар аъло даражада машғулот ўтказишди, уларнинг кайфияти ва ёндашуви жойида», — дея Хаунинг сўзларини келтиради клуб матбуот хизмати.
Мавсум якунланишига уч тур қолганида «Ньюкасл» Англия Премьер-лигаси турнир жадвалида 13-ўринни эгаллаб турибди. Бироқ жадвалдаги зичлик шу даражадаки, жамоада еврокубокларга йўлланма олиш учун ҳали ҳам назарий имкониятлар сақланиб қолган. Қолган баҳсларда «Ньюкасл» «Ноттингем Форест», «Вест Хэм» ва «Фулхэм» жамоаларига қарши майдонга тушади.
