«Марсель» қанот ҳужумчиси Мэйсон Гринвуд мавсум якунланганидан кейин жамоани аниқ тарк этади. Бу ҳақда The Touchline нашри хабар бермоқда.
Шу билан бирга, 24 ёшли вингер аввалроқ ОАВда ёзилганидек «Манчестер Юнайтед»га қайтмаслиги таъкидланмоқда. Айни дамда «қизил иблислар» ўз тарбияланувчисини орқага қайтариш масаласини кўриб чиқишаётгани йўқ. Бироқ Премьер-лиганинг номи ошкор этилмаган бошқа бир клуби Гринвуд трансфери имкониятларини ўрганаётгани айтилмоқда, лекин ҳозирча бу борада аниқ қадамлар ташланмаган.
Жорий мавсумда Гринвуд барча турнирларни ҳисобга олган ҳолда 43 та ўйинда майдонга тушиб, рақиблар дарвозасини 25 бор ишғол қилди ва 10 та голли узатмага муаллифлик қилди.
