Лондоннинг «Арсенал» клуби бош мураббийи Микель Артета дарвозабон Давид Райянинг кўрсатаётган ўйинлари ҳақида ўз фикрлари билан ўртоқлашди. «Канонирлар» посбони кетма-кет учинчи марта Премьер-лиганинг «Олтин қўлқоп» совринини ўзи учун кафолатлаб қўйди.
«Давид — истисновий футболчи. Бизга келиб қўшилган илк кунлариданоқ кўрсатаётган барқарорлиги — шунчаки ақл бовар қилмас даражада. Эҳтимол, буни ҳеч ким, жумладан, мен ҳам кутмагандим. У ишониб бўлмас даражага чиқди ва ҳаммани ўзининг ишончли ўйинларига шунчалик ўргатиб қўйдики, эндиликда унинг баъзи қаҳрамонликлари оддий ҳолдек қабул қилинмоқда», — дея Артетанинг сўзларини келтиради журналист Коннор Хамм.
Якшанба куни «Арсенал» Премьер-лига доирасида сафарда «Вест Хэм»га қарши баҳс олиб боради.
