Колумбия терма жамоаси сардори Хамес Родригес 2026 йилги жаҳон чемпионатидан кейин катта футбол билан хайрлашишни режалаштирмоқда. Бу ҳақда AS нашрининг Колумбиядаги филиали хабар бермоқда.
Манбага кўра, 34 ёшли футболчи ўзи тўп сураётган МЛСнинг «Миннесота» клуби раҳбариятини жорий йилнинг ёзида фаолиятини якунлаши мумкинлиги ҳақида огоҳлантирган.
Хамес Родригес фаолияти давомида Европанинг «Монако», «Реал Мадрид» ва «Бавария» каби гранд клублари шарафини ҳимоя қилган. У жорий йилнинг июль ойида 35 ёшни қарши олади.
Эслатиб ўтамиз, 2026 йилги жаҳон чемпионатининг гуруҳ босқичида Колумбия терма жамоаси Ўзбекистон, Конго ДР ва Португалия терма жамоалари билан бир гуруҳдан жой олган.
