«Ювентус» клуби ёзги трансфер ойнасида Мадриднинг «Реал» клубидан уч нафар футболчи билан таркибини кучайтириб олиши мумкин. Tuttosport нашрининг хабар беришича, «кекса синьора» чап қанот ҳимоячиси Фран Гарсия ҳамда ҳужумкор ярим ҳимоячи Браим Диасга жиддий қизиқиш билдирмоқда. Шунингдек, туринликлар мавсум якунида эркин агентга айланадиган марказий ҳимоячи Давид Алабани ҳам таклиф этиш вариантини кўриб чиқишяпти.
Transfermarkt портали баҳосига кўра, 26 ёшли Гарсия ва Диаснинг трансфер баҳоси мос равишда 12 ва 35 миллион еврони ташкил этади. 33 ёшли Алабанинг баҳоси эса – 3,5 миллион евро. «Ювентус» А Серия тугашига икки тур қолганида турнир жадвалида учинчи ўринни эгаллаб турибди, бироқ ҳали Чемпионлар лигасидаги иштирокини нақд қилгани йўқ.
