"Манчестер Юнайтед" жамоасининг ҳужумкор ярим ҳимоячиси ва ҳақиқий етакчиси Бруну Фернандеш ўзини Англия Премьер-лигасининг энг зўр футболчиси деб ҳисоблаши ёки йўқлиги борасидаги саволга жавоб қайтарди.
Эслатиб ўтамиз, яқиндагина португалиялик маэстро Англия футбол журналистлари ассоциацияси талқинига кўра, мамлакатда "Йилнинг энг яхши футболчиси" дея эътироф этилган эди.
"Мен жуда юқори даражага чиқдим ва бунга кимдир эътироз билдира олади, деб ўйламайман. Аммо мендан АПЛнинг энг яхши футболчисимисан, деб сўрасангиз, бунга жавоб беришим қийин бўлади", — деди манкунианликлар ярим ҳимоячиси.
Маълумот учун, 31 ёшли Фернандеш жорий мавсумда "қизил иблислар" либосида барча турнирларда 35 та учрашувда майдонга тушди. У ўз ҳисобига 8 та гол ёздириб қўйишдан ташқари, шерикларига 21 та голли узатмани амалга оширди.
