«Манчестер Юнайтед» футболчиси Бруну Фернандеш жорий мавсумдаги сермаҳсуллиги эвазига АПЛ тарихидан жой олди. Премьер-лиганинг 37-туридан ўрин олган «Ноттингем Форест»га қарши баҳсда португалиялик ярим ҳимоячи навбатдаги голли узатмани ўз ҳисобига ёздириб қўйди, бу у учун жорий мавсумдаги 20-ассист бўлди.
Шу тариқа, футболчи АПЛда бир мавсумда голли узатма бериш бўйича энг яхши натижани такрорлади. Бунгача фақат Тьерри Анри ва Кевин Де Брёйнегина шундай кўрсаткичга эриша олган эди.
Бруну «Манчестер Юнайтед» шарафини 2020 йилдан бери ҳимоя қилиб келади. У клуб сафида жами 326 та учрашувда майдонга тушиб, 106 та гол урди ва 108 та голли узатмани амалга оширди. Футболчининг «қизил иблислар» билан амалдаги шартномаси 2027 йилгача мўлжалланган.
