Ҳимоячи Глейсон Бремер шу ёзда "Ювентус"ни тарк этиши мумкин. Журналист Альфредо Педулланинг маълумотларига кўра, бразилиялик футболчи эндиликда туринликларнинг дахлсиз (сотилмас) ўйинчиси ҳисобланмайди.
"Ювентус" шу ёзда ўз футболчисини сотиш бўйича келиб тушадиган таклифларни кўриб чиқишга тайёр. Глейсон Бремер 2022 йилда "Торино"дан "Ювентус"га 51 миллион евро эвазига ўтган эди. Унинг шартномаси 2029 йилнинг 30 июнига қадар мўлжалланган.
Жорий мавсумда бразилиялик ҳимоячи Турин клуби сафинда барча турнирларда 31 та ўйинда майдонга тушиб, 4 та гол урди ва 3 та голли узатмани амалга оширди. Transfermarkt портали Бремернинг трансфер баҳосини 35 миллион еврога баҳоламоқда.
