Колумбиялик футболчи Хамес Родригес амалга ошмай қолган «Манчестер Юнайтед»га трансфери ҳақида гапириб берди. 2017 йилнинг ёзида ўша пайтда Мадриднинг «Реал» клубида тўп тепган ҳужумкор ярим ҳимоячи «Бавария» томонидан ижарага олинган эди. Ваҳоланки, футболчи «қизил иблислар» сафини тўлдириши мумкин эди.

«Мен «Манчестер Юнайтед»га ўтмоқчи бўлиб тургандим, тўсатдан Жорже Мендеш: «Бавария»га боришни истайсанми?» деб сўраб қолди. Мен эса: «У ерда Рибери ва Роббен бор, мен қаерда ўйнайман?» деб жавоб бердим. Бунга жавобан у: «Сени Анчелотти кутяпти», деди. Карло менга қўнғироқ қилганида, мен «МЮ»га ўтмоқчи эканлигимни тан олдим, у эса: «Қанақа яна «Манчестер»? Бу ўлик клуб. Сен менинг жамоамга ўтишинг керак», деб жавоб берди. Ўйлайманки, «Бавария»га бориш қарори тўғри бўлган эди», – дея Хамеснинг сўзларидан иқтибос келтиради Bayern & Germany.

Ҳозирги вақтда Родригес МЛСнинг «Миннесота» клубига тегишли, бироқ яқин орада эркин агентга айланиши мумкин.