«Манчестер Юнайтед» бош мураббийи Майкл Кэррик янги мавсум олдидан футболчиларини қўйиб юбориш истагида эмас. Инглиз мутахассисининг фикрича, Мэйсон Маунт ва Нуссаир Мазрауи келаси мавсумда «қизил иблислар»нинг Чемпионлар лигасидаги иштирокини ҳисобга олган ҳолда, таркиб кенглигини таъминлаш учун жамоага керак бўлади.
The Athletic нашрининг хабар беришича, мураббий айниқса инглиз ва марокашлик футболчиларнинг универсаллигини юқори баҳолайди, шу сабабли ёзги трансфер ойнасида уларнинг сотилишига розилик бермайди.
Майкл Кэррик январь ойида Рубен Аморимнинг ўрнини эгаллаб, «Манчестер Юнайтед» бошқарувини қўлга олган эди. Манкунианликлар Премьер-лигани учинчи ўринда якунлагач, амалдаги мураббий билан шартнома 2028 йилгача узайтирилди.
