«Комо» бош мураббийи Сеск Фабрегас «Краснодар» ярим ҳимоячиси Эдуард Сперцяннинг трансферига қизиқиш билдирмоқда, деб хабар бермоқда инсайдер Иван Карпов.

Манбанинг берган маълумотига кўра, 39 ёшли испаниялик мутахассис бир ой аввал Сперцянга телефон қилиб, унинг ўтишига шахсан манфаатдор эканлигини тасдиқлаган. Италия клубининг қизиқиши туфайли Сперцян Саудия Арабистонининг «Ал-Аҳли» клубига эҳтимолий трансферини ҳозирча тўхтатиб турди (бундан аввал ушбу клубнинг ҳам қизиқиши борлиги ҳақида хабар берилган эди).

2025/26 йилги мавсумда «Краснодар» тарбияланувчиси барча турнирларда 42 та ўйинда майдонга тушиб, 14 та гол урди ва 18 та голли узатмани амалга оширди. Transfermarkt маълумотларига кўра, ярим ҳимоячининг бозор қиймати 25 миллион еврони ташкил этади.

«Комо» жамоаси 71 очко билан А Серия турнир жадвалида тўртинчи ўринни эгаллади. Кейинги мавсумда Фабрегас жамоаси ўз тарихида илк бор Чемпионлар Лигасида иштирок этади.