Каталониянинг «Барселона» клуби юлдузли вингери Рафинья Диас яқин келажак бўйича ўз режаларини белгилаб олди. Sport.es нашри хабар беришича, бразилиялик ярим ҳимоячи Саудия Арабистони чемпионатидан келиб тушган манфаатли таклифларга қарамай, ёзда клубдан кетмоқчи эмас.

«Кўк-анорранглилар» ҳам жамоанинг етакчи ўйинчиси билан хайрлашишни исташмаяпти. 29 ёшли вингер каталониялик топ-клуб билан 2028 йил июнь ойи охиригача мўлжалланган шартнома мажбуриятларига эга. Transfermarkt портали бразилиялик футболчининг бозор қийматини 70 миллион еврога баҳоламоқда.

Маълумотларга кўра, футболчи ўз шартномасини қайта кўриб чиқилишига умид қилмоқда, чунки амалдаги келишув шартлари жамоанинг бошқа бир қатор етакчилариникидан фарқ қилади. Аммо ҳозирча клуб раҳбарияти шартномани ўзгартиришга тайёр эмас. Шунингдек, музокаралар жараёнига футболчининг Бразилия терма жамоаси сафида олган жароҳати ҳам таъсир қилган. Клуб Рафиньяга келажакда ҳам ишонади, унинг сотилиши эса фақат кейинги ёзда, шартнома муддати тугашига бир йил қолганидагина муҳокама қилиниши мумкин.