Нидерландия терма жамоаси ярим ҳимоячиси Френки де Йонг ЖЧ-2026даги илк ўйин олдидан миллий жамоа атрофидаги гап-сўзларга муносабат билдирди.
«Бизда ҳеч қандай инқироз йўқ. Айрим жиҳатларни яхшилашимиз керак, аммо мен ҳамма, балки орангиздаги кимдир айтаётган ўша инқирозни кўрмаяпман. Биз тайёрмиз, яхши тайёргарлик кўрганмиз.
Одамларнинг пессимистик кайфиятда эканлигини тушунаман, лекин эртага ҳаммада оптимизм учун асослар пайдо бўлади», – дея маълум қилди «Барселона» ўйинчиси матбуот анжуманида.
Нидерландия бугун Жаҳон чемпионати 1-турида Япония терма жамоасига қарши майдонга тушади.
