Испания таркибидаги автоном ҳамжамият – Каталонияда ҳар йили 11 сентябрда тарихда бўлиб ўтган Барселона қамали нишонланади. Кеча ҳам каталонияликлар анъанавий равишда намойишлар ўтказиб, ўз ҳудудининг мустақиллигини талаб қилди.
Тахминан 1,6 миллион кишилик халойиқ тизилиб, 400 километр узунликдаги жонли занжирни ҳосил қилди. Шу тариқа улар Каталония мустақиллиги масаласида ўзларининг мустаҳкам ўрнини кўргазмали намойиш этди. Бу ҳақда Британиянинг ББC телеканали хабар бермоқда.
Намойишчилар фикрича, қашшоқ Испания ўзига нисбатан бадавлат бўлган Каталония «қонини ичмоқда»: автоном ҳудуд Испания бюджетига ўзига келиб тушаётганидан кўра кўпроқ ҳисса қўшмоқда.
Барселонанинг марказий кўчалари бир неча соат давомида митинглар уюштираётган намойишчилар билан лиқ тўлиб, транспорт ҳаракатини чеклаб қўйди. Бироқ, кечга яқин халойиқ тинчлик билан уй-уйига тарқалди, ҳеч ким ҳибсга олинмади.
Хабарингиз бор, агар Каталония Испаниядан ажралиб чиқса, «Барселона» ҳам бошқа чемпионатда тўп суриши мумкин.
