«Арсенал» марказий ҳимоячиси Вильям Салиба Жаҳон чемпионати – 2026 ярим финалида Испанияга қарши ўйинни бел қисмидаги оғриқ сабабли охиригача ўтказа олмади. Кейинроқ матбуотда франциялик футболчи бутун мундиални умуртқа понаси синиши билан ўтказгани ва энди унга жарроҳлик амалиёти зарурлиги ҳақида маълумотлар пайдо бўлди.

Бироқ ҳимоячига жарроҳлик аралашуви керак бўлмаслик эҳтимоли бор. L’Équipe хабарига кўра, даволаниш режаси ҳақидаги қарор Лондоннинг «Арсенал» клуби тиббиёт штаби томонидан келаси ҳафта бошида қабул қилинади. Ҳозирча даволанишнинг консерватив (жарроҳликсиз) вариантига устуворлик берилмоқда.

2026 йилги Жаҳон чемпионатида Салиба «уч ранглилар» сафида олтита ўйинда иштирок этди. Дидье Дешам жамоаси 3-ўрин учун баҳсда Англия терма жамоасига қарши майдонга тушади.