Ярим ҳимоячи Бруну Фернандеш шу ёзда «Манчестер Юнайтед»ни тарк этиши мумкин.

Журналист Сулейман Родопнинг хабарига кўра, «қизил иблислар» португалиялик футболчини атиги 42 миллион фунт стерлингга сотишга тайёр. Хавбекни ўз сафига қўшиб олишга «Галатасарай» қизиқиш билдирмоқда. Бироқ Туркия клуби футболчи сўраётган иш ҳақини тўлаб беришга қурби етмайди.

Бруну Фернандеш 2020 йилда «Спортинг»дан 65 миллион евро эвазига «Манчестер Юнайтед»га ўтган эди. Унинг шартномаси 2027 йилнинг 30 июнигача мўлжалланган. 2025/26 йилги мавсумда ярим ҳимоячи «қизил иблислар» сафида барча турнирларда 37 та ўйин ўтказиб, тўққизта гол урди ва 22 та голли узатмани амалга оширди. Transfermarkt портали Фернандешнинг қийматини 35 миллион еврога баҳоламоқда.