«Ювентус» ҳимоячиси Хуан Кабаль яқин келажакда клубни тарк этиши мумкин. Бу ҳақда Calciomercato хабар бермоқда.
Манба берган маълумотларга кўра, 25 ёшли колумбиялик футболчига Туркиянинг «Бешиктош» клуби қизиқиш билдирмоқда. Футболчи «Ювентус» бош мураббийи Лучано Спаллеттининг узоқ муддатли режаларига кирмайди. Турин клуби шартномаси 2029 йилгача амал қиладиган Кабаль бўйича таклифларни кўриб чиқишга тайёр.
Кабаль 2024 йилнинг ёзида «Верона»дан 11 миллион евро эвазига «Ювентус»га ўтган эди, бироқ жароҳатлар туфайли икки мавсум давомида Турин жамоаси сафида барча турнирларда бор-йўғи 28 та ўйин ўтказган. Ўтган мавсумда ҳимоячи А Серияда фақат 12 та учрашувда майдонга тушди.
Футболчининг бозор қиймати 7 миллион еврога баҳоланмоқда.
