«Ливерпуль» 17 ёшли колумбиялик ярим ҳимоячи Самуэль Мартинеснинг «Атлетико Насьональ»дан трансферини якунлашга яқин турибди.

Журналист Флориан Плеттенбергнинг хабар беришича, футболчи шартнома имзолашдан олдин тиббий кўрикдан ўтиш учун аллақачон Англияга жўнаб кетган.

Маълум қилинишича, трансфер суммаси 1 миллион долларни ташкил қилади, шунингдек, колумбиялик клуб футболчининг келгуси сотувидан маълум фоизни ўзида сақлаб қолади. Муваффақиятли тиббий кўрикдан сўнг, Мартинес «Ливерпуль» билан беш йиллик шартнома имзолайди.

Ярим ҳимоячи инглиз клуби сафига вояга етганидан сўнг расман қўшилиши мумкин. Футболчи келаси йилнинг 5 апрелида 18 ёшга тўлади ва шундан сўнг трансфер кучга киради.

Самуэль Мартинес ҳали «Атлетико Насьональ»нинг асосий жамоасида дебют қилмаган. Халқаро миқёсда у Колумбия U-17 терма жамоасида ўйнаган ва улар сафида олтита расмий ўйинда майдонга тушган.