Лондоннинг «Арсенал» клуби собиқ ҳужумчиси Жереми Алиадьер аргентиналик форвард Хулиан Альварес ҳақида фикр билдирди. «Барселона»дан ташқари, «канонирлар» ҳам футболчини ўз сафига қўшиб олиш учун даъвогарлик қилмоқда.

«Агар унда «Арсенал»да ўйнаш истаги бўлганида эди, уни ҳозироқ ўз жамоамга олиб кетган бўлардим. У — ноёб футболчи. Буни биз яна жаҳон чемпионатининг Англияга қарши ўйинида ҳам кўрдик. У доимо жамоа манфаати учун меҳнат қилади, фаол прессинг уюштиради ва Мессига юкламанинг бир қисмини олиб ташлашда ёрдам беради. Мен «Арсенал»да айнан шундай футболчини кўришни хоҳлардим», — дея Алиадьернинг сўзларини келтиради Goal портали.

«Атлетико» ўз ҳужумчисини тахминан 150 миллион еврога баҳоламоқда. Агар трансфер шу сумма эвазига амалга ошса, у Британия футболи тарихидаги энг йирик рекордга айланади.