Ёзги трансфер ойнасида Бирмингемнинг «Астон Вилла» клубидан «Манчестер Юнайтед»га ўтган бельгиялик ярим ҳимоячи Юри Тилеманс «қизил иблислар»нинг бош мураббийи Майкл Кэррик ҳақидаги фикрлари билан ўртоқлашди.

«Кэррик – зўр мутахассис. У билан муносабатларимиз яхши. У ўзи ҳам майдон марказида тўп тепган ва жамоаси учун айнан муайян турдаги ярим ҳимоячиларни излайди», - дея ярим ҳимоячининг сўзларини келтиради клуб матбуот хизмати.

Эслатиб ўтамиз, Тилеманс манкунианликлар билан 2031 йилнинг ўрталаригача мўлжалланган узоқ муддатли меҳнат шартномасини имзолаган.

Ўтган мавсумда Юри 34 та учрашувда майдонга тушиб, ўз ҳисобига 2 та гол ва 7 та ассист ёздириб қўйган.