Германия терма жамоаси ва “Бавария”нинг собиқ ярим ҳимоячиси Томас Мюллер ҳакамлар ҳар доим Жаҳон чемпионатларида Лионель Мессини қўллаб-қувватлаганликларига шама қилди. У 2010-йилги Жаҳон чемпионати чорак финалидаги Германия ва Аргентина ўртасидаги ўйинни мисол қилиб келтирди.

“Биз Аргентинага қарши ўйинда ҳисобда олдинда эдик ва Лео Месси ёнимда турарди. Тўп майдонда сапчиб, қўлимга тегди. Ҳакам дарҳол менга сариқ карточка кўрсатди, чунки Лео ёнимда турганди.

Гўё Месси ҳакамга: “Биз аллақачон 2:0 ҳисобида ютқазяпмиз, илтимос, бизга озгина ёрдам беринг”, деб айтаётгандек туюлди”, — дея Мюллернинг сўзларидан иқтибос келтиради Goal нашри.

Ўша сариқ карточка туфайли Мюллер Испанияга қарши Жаҳон чемпионати ярим финалини ўтказиб юборганди.Ярим финалда Испания 1:0 ҳисобида Германияни таслим этган.

Аввалроқ Аргентина футбол ассоциацияси (АФА) 2026-йилги Жаҳон чемпионати пайтида ўйинчиларга қарши дезинформация кампаниясини олиб борганларга қарши катта суд жараёнини бошламоқчи экани хабар қилинганди.

Манбага кўра, туҳмат бўйича суд жараёни ёлғон танқидий даъволар, уйдирма ёки тасдиқланмаган тасвирлар ва асоссиз айбловларга қаратилади.