“Бунёдкор” – “Динамо” учрашувидан кейинги матбуот анжуманида биринчи бўлиб самарқандликлар устози иштирок этди.
- Ўйинга ҳақида гапиришдан олдин, ушбу баҳсга қаратилган тайёргарлигимиз кўтаринки руҳда олиб борилганини таъкидламоқчиман. Шу боисдан ҳам ўйин бошларида ҳисобни очишга ҳам эришдик. Лекин “Динамо” 2-3та кетма-кет ўйинларда барқарор ўйнайдиган даражага чиққанимиз йўқ. Гол уриб, ҳимояга ўтириб олдик. Буни эса “Бунёдкор”нинг тажрибали футболчилари кечиришмади. Ҳимояда сабр билан ўйнаб, тезкор қарши ҳужумга ўтиш тактикасини ишлаб чиққандик. Афсуски, ўйинимиз қовушмади, - деб гап бошлади Равшан Акмалович.
- Акмал Бозоровнинг алмаштирилиши нима билан боғлиқ? У Жасур Ҳасановга кўп бора якка курашларда ютқазганими ёки ўтказиб юборилган голда айби бормиди?
- Йўқ, у жароҳат олди! Лекин қанотдаги футболчиларимизни яхши ўйнашди дея олмайман. Чунки қанотларда кўп бора имкониятни бой бердик.
- Биринчи бўлимдаги ёш болаларча хатоларни нима билан боғлаган бўлардингиз?
- Буни ҳаяжонга йўйган бўлардим. Биз иккита яхши ўйнаб, учинчисида ҳаяжонга бериляпмиз.
- Кейинги турда “Динамо” ўз майдонида “Пахтакор”ни қабул қилади. Шу ўйинга тўлиқ таркибни йиға оласизми?
- Албатта, жароҳатланганлар сафга қайтишади. Бу ўйингача яна икки ҳафта бор.
- Тушунмадингиз, мен айтмоқчиманки “Пахтакор”дан ижарага олинган футболчилар майдонга тушишадими?
- Очиғини айтсам, бу масалада ҳали гаплашмаганмиз. Шартномаларни қараб чиқамиз ва бир тўхтамга келамиз.
