Миланнинг «Интер» жамоаси «Манчестер Сити» ҳужумчиси Эдин Жекога қизиқиш билдирмоқда. Бу ҳақда Football Italia хабар бермоқда.
Манбада айтилишича, энди индонезиялик Тохирга тегишли бўлган «Интер» Диего Милитонинг ўрнига ҳужумчи изламоқда.
Жеконинг «Сити» билан шартномаси 2015 йилга қадар амал қилишига қарамай, босниялик ҳужумчи январдаёқ жамоадан кетиши мумкин. Чунки у Англияда доимий ўйин амалиётига эга бўлмаяпти. Таъкидлаш жоизки, унга «Интер»дан ташқари «Милан» ва «Ювентус» ҳам қизиқиш билдирмоқда.
Жеко 2011 йилда «Сити»га 32 миллион евро эвазига ўтган эди. Ҳозир эса унга энг кўп «Боруссия Д» (22 миллион евро) таклиф қилмоқда.













