"Манчестер Юнайтед" 18-турнинг очилиш ўйинида "Халл Сити" майдонида меҳмон бўлиб, қийин ғалабани қўлга киритди.

Ўйиннинг 4-дақиқасидаёқ мезбонлар ҳисобни очишди. Бурчакдан узатилган тўп учун ҳаводаги курашда меҳмон жамоа ҳимоячилари имкониятни бой беришгач Честер икки метр масофадан дарвозани ишғол қилди - 1:0. Орадан кўп ўтмай ҳисобдаги фарқ иккитага ошди. Бу сафар ҳам "МЮ" ҳимоячиларининг хатоси ва 2:0.

Бундай ҳолга аввал ҳам жуда кўп бор тушган "қизил иблислар" яна бир бор ажойиб камбэк намойиш этишди. Дастлаб 19-дақиқада жарима зарбасидан оширилган тўпни Смоллинг тўрга йўллаб ҳисобни қисқартирган бўлса, 5 дақиқа ўтар-ўтмай Руни 20 метрлар чамасидан дарвозани аниқ мўлжалга олиб таблодаги ҳисобни 2:2 кўринишига келтирди.

Танаффусдан сўнг мезбонлар вакили Честер "дублга" эришди. Ўйинда ҳисобни очган ҳимоячи 66-дақиқада "МЮ"нинг ўнг қанотдан ташкил этган ҳужуми натижасида жарима майдонига оширилган тўпни ўз дарвозасига буриб юборди.

Халл – Манчестер Юнайтед 2:3 (2:2)

Голлар: 1:0 – 4 Честер, 2:0 – 13 Мейлер, 2:1 – 19 Смоллинг, 2:2 – 26 Руни, 2:3 – 66, автогол Честер.

"Ҳалл": – Макгрегор (Харпер, 46), Честер, Брюс, Керт. Дэвис, Аль-Мухаммади, Хаддлстоун, Фигероа (Бойд, 73), Ливермор, Мейлер (Корен, 46), Сагбо, Грэм.

"Манчестер Юнайтед": – Де Хеа, Рафаэл (Янузай, 18), Смоллинг, Дж. Эванс, Эвра, Флетчер (Х. Эрнандес, 62), Клеверли, Валенсия, Руни, Эшли Янг (Кэррик, 78), Уэлбек.

Огоҳлантиришлар: Фигероа (19), Янузай (34), Валенсия (61), Брюс (72), Руни (73).

Четлатиш: Валенсия (90).