Англия чемпионатининг 20-тур баҳсларини "Суонси Сити" ва "Манчестер Сити" жамоалари бошлаб беришди. Учрашувда манчестерликлар 3:2 ҳисобида ғалаба қозонишди.
"Шаҳарликлар" 2014 йилдаги АПЛнинг илк голини 14-дақиқада киритишди. Гол муаллифи Фернандиньо. "Суонси" ҳужумчиси Бони эса қўшимча дақиқалар ишқибози эканини исботлади. У биринчи ва иккинчи бўлимларга қўшиб берилган компенсация вақтида биттадан гол уришга муваффақ бўлди. Иккинчи бўлимда Яя Туре ва Коларов томонидан киритилган голлар эса "Манчестер Сити"га ғалаба келтирди.
Шу тариқа, "Сити" "Boxing Day"дан 9 очко билан чиқишди ва камида бир неча соатга бўлса-да 1-ўринга кўтарилиб олишди.
Англия чемпионати, 20-тур
Суонси – Манчестер Сити 2:3 (1:1)
Голлар: 0:1 – 14 Фернандиньо, 1:1 – 45 Бони, 1:2 – 58 Яя Туре, 1:3 – 66 Коларов, 2:3 – 90 Бони.
Суонси – Треммель, Ранхель, Уилльямс, Чико, Дэвис, Каньяс, де Гузман, П. Эрнандес (Лама, 10), Шелви (Посуэло, 81), Раутлеж, Бони.
Манчестер Сити – Джо Харт, Сабалета, Компани, Настасич, Коларов, Яя Туре, Фернандиньо, Навас (Родуэлл, 90), Насри (Милнер, 69), Джеко, Негредо (Хави Гарсия, 60).
Огоҳлантиришлар: Насри (26), Каньяс (37), Джеко (38), Шелви (45), Компани (54), Сабалета (86), Милнер (90).
