"Атлетико" бош мураббийи Диего Симеоне "Барселона"га қарши ўйин (0:0) борасида ўз фикрларини баён қилди.

"Ушбу ўйинда босим жуда юқори эди. Ўйинчилар майдон марказида тўпни кўп назорат қилишди, бир-бирининг кучли томонларини йўққа чиқариш пайида бўлишди. Ҳар иккала жамоада ҳисобни очиш учун бир нечта имкониятлар юзага келди. Ўйин қизиқарли ўтди. Ҳар иккала жамоа ўз кучини кўрсатишга ҳаракат қилишди.

Биз ҳамиша ғалаба қозонишни истаймиз, аммо "Атлетико" мусобақа жадвалининг юқори қисмида қолди. Бундан қониқиш ҳосил қилдим. Биринчи даврадан кейин 50 очко? Шогирдларим бундай натижага муносиб эдилар. Улар курашишди, жанг қилишди, югуришди, барча кўрсатмаларимни бажаришди. Бундай натижалар билан уларни табрикламоқчиман. Биз уларга кичик таътил берамиз. Лекин яқин кунларда бизни Кубокнинг жавоб ўйини кутмоқда.

Биз "Барселона"ни жуда ҳурмат қиламиз. Бизнинг бюджетларимиз орасида 400 миллион евролик фарқ бор, аммо билан ушбу футболчилар билан ажойиб ишларни амалга оширдик. Улар мазкур ўйинда бор кучларини бериб ўйнашди. Ҳозир эътиборни узоққа қаратиш керак эмас. Биз ҳар бир ўйинга алоҳида тайёргарлик кўришимиз лозим", дейди Симеоне.