"Челси" бош мураббийи Жозе Моуриньо Лондон жамоасида шартноманинг охирига қадар ишлаш ниятида эканини таъкидлаб ўтди.
"Менинг бир жамоада энг узоқ иш даври уч ярим йилни ташкил қилган. Ушбу натижани янгилашни хоҳлайман. "Челси" ҳозир яхши вазиятда. Раҳбарият қандай натижага эришиш кераклигини яхши билади. "Челси"нинг асосий мақсади — турли мусобақаларда ғолиб чиқиш.
Айнан шунинг учун Лондонга қайтдим. Шунингдек, мен бу жамоани яхши кўраман ва бу лойиҳага ишонаман. Жамоага максимал ёрдам беришни ва ўз ишимни аъло даражада бажаришни истайман. Менинг шарномам 4 йилга мўлжалланган ва унинг охиригача ишлайман деган умиддаман", дейди Моуриньо.