Бугун Англия чемпионати 23-туридан ўрин олган қизиқарли ўйинлардан бири Лондонда бўлиб ўтади. Шаҳарнинг икки жамоаси «Челси» ва «Вест Ҳэм» тўқнаш келишади.

«Вест Ҳэм» охирги марта 2012 йилнинг декабрида «Челси»ни мағлуб этган. Ўшанда улар 30 дақиқа ичида «Челси» дарвозасига учта гол уришган ва 3:1 ҳисобида ғалаба қозонишган.

Бугунги жамоалар учун 14 сони ўзига хос аҳамият касб этиб турибди. Жорий мавсумда «Челси» мағлубиятга учраётиб кейинчалик ўзига келган энг кучли жамоа бўлиб турибди. Улар бундй вазиятдан чиқиб кетган ҳолда умумий 14 очкони қўлга киритишган.

«Вест Ҳэм» эса ғалабани қўлдан бой бериш борасида тенгсиз. Улар 14 ўйинда ғалаба қозона туриб, охир-оқибат очколарни бой беришган.