Кеча Англия чемпионати 23-туридан ўрин олган «Челси» ҳамда «Вест Ҳэм» ўйинида ҳисоб очилмаганидан хабарингиз бор.
Бу ўйинда «Вест Ҳэм» тўлиқ ҳимояланди. Ўйиннинг зарбалар статистикасини кўриб, ҳайратдан ёқа ушлаш мумкин. «Челси» умумий ҳисобда 39та зарба берган ва шулардан 9таси дарвозагача етиб борган. Фоиз ҳисобида 36 фоиз. «Вест Ҳэм» эса битта зарба берган ва шу ҳам аниқ. 100 фоизлик натижа.
«Челси» бош мураббийи Жозе Моуриньо бу ўйин ҳақида фикр билдирар экан «Вест Ҳэм» ўтган аср ўйинини кўрсатганини айтди. Нима ҳам дердик, бугунги футболда натижа биринчи ўринга чиқди.
