"Арсенал" клуби ўзи олиши керак бўлган 3 очкони "Кристал Пэлас" билан ўйинда олди. Ўйин сифати эса бошқа масала.

Масалан, биринчи бўлим жуда ҳам зерикарли тус олганини таъкидлаш лозим. Фақат 35-дақиқада Месут Ўзил томонидан 35метрлар масофадан амалга оширилган жарима зарбасини дарвозабон қийинчилик билан майдон ташқарисига чиқариб юборди.

Иккинчи бўлим бошида эса "канонирлар" ҳисобни очишди. "Санти Касорла жуда чиройли пас билан Алекс Оксланд Чемберланни дарвозабон билан дуэлга чиқарди. Бу вазиятдан Англия футболи келажаги унумли фойдаланди. У голдан оладиган гонорарининг ярмини Санти Касорлага бериши керак. Дахшатли пас", дея вазиятга баҳо берди ўйинни матнли трансляция қилган Stadion.uz ижодкори.

Иккинчи голни ҳам ўз ҳисобига ёзиб қўйган Чемберлан ҳужумнинг бошланишида ҳам жонбозлик кўрсатди. У майдон марказида тўпни рақибдан олиб қўйди ва уни Жируга узатди. Жиру қатор ҳимоячиларни ўзи билан овора қилди ва Чемберландга ажойиб тўп узатишини амалга оширди. Жарима майдончасига катта тезликда кириб борган Алекс бу сафар ҳам зарбада адашмади.

Ушбу ғалабадан кейин "Арсенал" ҳисобидаги очколар сони 55тага етди ва 1-ўринга кўтарилиб олди. Эртага эса 2-ўринда бораётган ва 53 очкога эга бўлган "Манчестер Сити" 50 очко билан 3-ўринда бораётган "Челси"ни қабул қилади. Ушбу ўйиндаги дуранг ёки "Челси"нинг ғалабаси Венгер шогирдларига 1-ўринда қолиш имконини беради.

Англия чемпионати, 24-тур

Арсенал – Кристал Пэлас 2:0
Голлар: Окслейд-Чемберлен (47, 73).
Арсенал: Шченсни, Санья, Мертесакер, Косьельни, Монреаль, Окслейд-Чемберлен, Артета, Касорла, Ўзил (Гиббс, 84), Подольски (Росицки, 72), Жиру (Бендтнер, 84).
Кристал Пэлас: Сперони, Уорд, Гэббидон, Дилэйни, Парр, Дикгасой, Единак, Панчон, Болази, Джером (Бэннан, 57), Шамах (Гэйл, 82).
Огоҳлантиришлар: Шамах (42), Дилэйни (68), Мертесакер (86).