Лондоннинг "Арсенал" клуби "Челси" ҳимоячиси Эшли Коулни ўз сафида кўриш ҳақида ўйламоқда. Бу ҳақда Daily Mail хабар беради.
Эслатиб ўтамиз, 2006 йилда Коул "кўклар" сафига айнан "Арсенал"дан бориб қўшилганди. Аммо айни пайтда 33 ёшли футболчи асосий таркиб учун курашда испаниялик Сесар Аспиликуэтага имкониятни бой бермоқда. Шунингдек, унинг Моуриньо билан муносабатларига ҳам ҳавас қилиб бўлмайди.
Арсен Венгер эса шу вақтга қадар бир неча маротаба Коулни Англиядаги энг яхши чап қанот ҳимоячиси эканини таъкидлаган.