Испания футбол иттифоқининг ҳакамлар қўмитаси мамлакат чемпионатининг 22-туридан ўрин олган «Атлетик» ҳамда «Реал» ўйинини бошқарган ҳакам Айса Гамесни бир ойга дисквалификация қилди.
Хабарингиз бор, ҳакам ўйин вақтида Криштиану Роналдуга қизил карточка берган ва ўйин ҳақидаги баёнотга Роналду рақибнинг юзига ургани учун майдондан четлатилди, деб ёзган эди. Кейинчалик ҳакам унга ўзгартириш киритган ва ҳужумчи рақиб билан жиққалашгани учун майдондан четлатилди деб ёзган.
Қўмита бу бесубутликни бир ойлик дисквалификация билан жазолади. Хабарингиз бор, Роналду мамлакат чемпионатининг учта ўйинида майдонга туша олмайди.
