"Челси" бош мураббийи Жозе Моуриньонинг таъкидлашича, ярим ҳимоячи Эден Азарнинг ҳозирги формаси унга илк марта АПЛнинг энг яхши футболчиси унвонини келтириши мумкин.
"Азар — ўзига хос ўйинчи. Ҳозирданоқ уни "монстр"лар билан таққослашни истамайман. Сабаби уларнинг ҳисобида 10 йиллик фаолият, йирик турнирлардаги ғалабалар ва голлар бор. Уларни таққосласам ёш йигитчага ҳам, "монстр"ларга нисбатан ҳам адолатсизлик бўлади. Лекин ёш футболчилар орасида эса Эдендан яхшироқ ўйинчи борлигини билмайман. Назаримда, Азар — ҳозирда энг яхши ёш футболчи.
Балки, Азар томонидан "Ньюкасл" дарвозасига урилган хет-трик унга Премер-лигада ойнинг энг яхши футболчиси унвони учун курашиш имконини берар. Шу пайтгача у бундай совринни қўлга киритмаган. Футболчилар энг яхши бўлса, улар учун чин далдан қувонаман. Бундай совринни айнан менинг шогирдим қўлга киритишини истардим", дейди Моуриньо.













