«Фиорентина» ва «Барселона» клублари Бразилияда ўтадиган ЖЧдан кейин футболчи алмашишлари мумкин. Флоренцияга 30 ёшли ўнг қанот ҳимоячиси Даниэл Алвес йўл олса, Барселонага 25 ёшли колумбиялик қанот ярим ҳимоячиси Хуан Куадрадо келади.
Ушбу келишувнинг амалга ошишига халал бериши мумкин бўлган ягона ҳолат — Алвеснинг каттагина бўлган 7 миллион евроли маошидир. Лекин каталонияликлар Алвесга бонус тўлаб, "бинафшаранглилар" билан шартнома имзолашда молиявий талабнинг пасайтиришига эришишлари мумкин.
Аввалроқ Алвесни "Фиорентина"га таклиф этиш ташаббуси муаллифи сифатида Винченцо Монтелла эътироф этилганди.
Ушбу мавсумда Куадрадо А серияда 20 та ўйинда майдонга тушиб, 4та гол урди ва 3та голга ассистентлик қилди. Дани Алвес эса Испания чемпиоантининг 17та ўйинида 2та гол муаллифи бўлди.