"Манчестер Юнайтед" ҳужумчиси Робин ван Персига "Монако", "Челси" ва "Ювентус" жамоаларидан қизиқишлар бўлмоқда. Тахминларга кўра, янги бош мураббийи Дэвид Мойесни у қадар ҳам хушламаган ван Перси ёзда "Арсенал"га ҳам қайтиши мумкин.
Tuttosport‘нинг ёзишича, Голландия терма жамоасинниг 30 ёшли аъзосини ўз сафига қўшиб олиш учун энг катта имконият "Монако" ва "Челси"да, сабаби "Ювентус" ўз футболчиларига йилига кўпи билан 5 миллион евро маош беради. Ван Перси эса айни пайтда "МЮ"да солиқларни ҳисобга олмаганда 7-8 миллион евро маош олади.
Қайд этилишича, "қизил иблислар" ҳужумчини 18-20 миллион еврога сотишга ҳам тайёр. Эслатиб ўтамиз, ван Персининг шартномаси 2016 йил якунига етади.