"Пари Сен-Жермен" ҳужумчи Эдинсон Каванига бир қатор инглиз грандларидан қизиқишлар борлигига қарамай у билан шартномани бекор қилмоқчи эмас.
Уругвай терма жамоасининг 27 ёшли аъзоси эса бошқа жамоага ўтишга қарши эмас. Goal.com манбаларига кўра, унинг агентлари қишки трансферлар вақтидаёқ "МЮ" ва "Челси" вакиллари билан учрашишга улгурган. Бундан ташқари, "Арсенал"нинг ҳам Каванига бефарқ қарамаётгани ҳақида хабарлар бор.
Бироқ "ПСЖ" мавсум якунида уни сотиш ҳақида ўйлаб ўтирмайди. Эслатиб ўтамиз, Кавани ўтган йили "Наполи"дан 64 миллион еврога сотиб олинганди.