"Валенсия"нинг чап қанот ҳимоячиси Хуан Бернат навбатдаги инглиз клубининг эътиборини ўзига тортди. "МЮ"дан сўнг Испания ёшлар термасининг 21 ёшли аъзосига "Челси" ҳам қизиқиб қолди, дея хабар бермоқда Super Deporte.
Яримҳимояда қанот ўйинчиси сифатида ҳам ўйнай оладиган Бернат Лондон клубида фахрий Эшли Коулнинг ўрнини босиши кутилмоқда. Коул ёзда эркин агент мақомини олишидан хабарингиз бор.
Бернатнинг "Валенсия" билан шартномаси 2015 йил 30 июнь куни якунига етади. Унинг трансфер нархи эса 7 миллион еврога баҳоланмоқда. Айни пайтда унинг ўз клуби ҳам ушбу истеъдод соҳиби билан янги шартнома имзолаб, унинг трансфер нархини оширишга ҳаракат қилади.