«Монако» клуби "Атлетико" ҳужумчиси Диего Коста учун курашда «Челси»ни ортда қолдиришни мақсад қилган.
Князлик клуби Испания терма жамоасининг 25 ёшли футболчиси учун 40 миллион фунт таклиф қилмоқчи. Футболчини сотиб олиш учун шартномада кўрсатилган трансфер суммаси 32 миллионни ташкил қилади, дея хабар беради Daily Mail.
Манбада келтирилишича, Костанинг ўзига «Монако» ҳафтасига 150 минг фунт (солиқларни чиқариб ташлагандан кейин) тўламоқчи.
Эслатиб ўтамиз, ҳужумчининг агенти португалиялик Жорже Мендеш ҳисобланади. У «Челси» бош мураббийи Жозе Моуриньо ва «Монако» хўжайини Дмитрий Риболовлев билан яхши муносабатларга эга.