"Ҳиндулар" ва каталонияликлар ўртасидаги баҳсни натижасини тахмин қилиш қийин. "Атлетико" ва "Барселона" ушбу мавсум тўрт марта тўқнаш келдилар, аммо бирорта ўйинда ҳам ғолиб аниқланмади. Испания суперкубогида икки марта дуранг натижа қайд этилган бўлса, яна бир марта - чемпионатда. Чеапионлар лигасининг "Камп Ноу"да ўтган дастлабки учрашувида ҳам кучлар тенг келди, бу Мадридликларга бироз устунлик беради.

Диего Симеоне шогирдлари бу мавсум ақлли, прагматик футбол кўрсатмоқдалар, жуда кам тўп ўтказмоқдалар. Агар "ҳиндулар" бу сафар ҳам дарвозасини даҳлсиз сақласалар яримфинал ҳам уларсиз ўтмаслиги мумкин.

Рақамлар

- "Барселона" ва "Атлетико" барча мусобақаларда 217 марта дуч келганлар. Каталонияликлар 93 ўйинда ғалаба қозонган бўлсалар, "ҳиндулар"- 74 марта. 49 марта дурангга имзо чекилган.
- "Атлетико" ўз тарихида биринчи марта Чемпионлар лигаси яримфиналига чиқиши мумкин.
- "Барселона" қаторасига еттинчи бор ЕЧЛ яримфиналига йўл олиши мумкин.
- "Атлетико"нинг асосий тўпурари Диего Коста ҳали "Барселона" дарвозасига гол урмаган.
- Лионель Месси барча мусобақаларда "Атлетико" дарвозасини 20 марта ишғол қилган.
- Агар "Барса" иккита гол кирита олса ЕЧЛ мусобақасида 500 голлик довонни забт этади.
- Сеск Фабрегас, Андрес Иньеста, Эмилиано Инсуа, Габи ва Хуанфран каби ўйинчилар огоҳлантириш олалар яримфиналнинг биринчи учрашувини ўтказиб юборадилар.

Ҳакамлар

Учрашувни Ҳовард Уэбб бошчилигидаги ҳакамлар бригадаси бошқаради. Қанот ҳакамлари: Майкл Малларки ва Дэррен Кэнн.

Тахминий таркиблар

"Атлетико": Куртуа, Филипе, Годин, Миранда, Хуанфран, Габи, Тьяго, Коке, Туран, Коста, Вилья.

"Барселона": Пинто, Альба, Бартра, Маскерано, Алвес, Фабрегас, Бускетс, Хави, Иньеста, Месси, Неймар.