"Атлетико" клуби "Торино" ҳужумчиси Чиро Иммобилени ўз сафига қўшиб олмоқчи, дея хабар беради Sport Mediaset.
24 ёшли италиялик футболчига асосий даъвогар Дортмунднинг "Боруссия" клуби бўлиб турибди, бу қизиқиш тасдиқланган. Аммо "матрасчилар" харидни ўз томонларига бурмоқчилар.
Бунинг устига футболчи ҳуқуқининг ярми "Ювентус"га тегишли. "Ювентус" ўйинчини "Боруссия" ҳимоячиси Матс Ҳуммельсга алмаштирмоқчи. Бу дортмундликларни курашда фаворит бўлишига замин яратади.
Иммобиле ушбу мавсумда Италия чемпионатида 29 ўйин ўтказиб, 19 гол урган ва 3 та голли узатма оширган.
