"Манчестер Юнайтед" клуби мавсумлар оралиғида "ПСЖ" ҳужумчиси Эдисон Кавани ва "Барселона" яримҳимоячиси Сеск Фабрегасни сотиб олмоқчи.
"МЮ" ижрочи директори Эд Вудворд парижликларнинг ҳужумчи билан хайрлашмоқчи эканликларидан фойдаланиб қолмоқчи. Шунингдек, "Юнайтед" Сескни сотиб олишга қайта уриниб кўради.
Баъзи маълумотларга кўра, испан яримҳимоячиси Манчестерга келишга рози бўлган, аммо аввалги таклиф унинг клубига маъқул келмаган.
"МЮ"нинг яна бир мақсади "Саутгемптон" ҳимоячиси Люк Шоу бўлиб турибди, унинг учун 30 миллион фунт беришга тайёр.
Каванининг трансфери клуб учун 60 миллион еврога тушиши мумкин.
