"Барселона" клуби "Наполи" яримҳимоячиси Хуан Суньигани ўз сафига қўшиб олиш учун ҳаракатларни давом эттиряпти.
Каталонияликлар 28 ёшли колумбиялик футболчини 15 миллион еврога сотиб олиш ҳуқуқига эга, бошқа клублар уни икки баробар кўпроқ сумма тўлашларига тўғри келади.
Суньиганинг "Наполи" билан тузган шартномасида шундай шарт бор.
Хабарларга қараганда, "Барса"нинг икки ўйинчиси Алекс Сонг ва Хавьер Маскераноларнинг бирига алмаштириш варианти ҳам бор.
Таъкидлаш жоиз, "кўк-анорранглилар" Суньигани мавсум тугагач "ПСЖ"га ўтиши мумкин бўлган Даниел Алвеснинг ўринбосари сифатида кўришмоқда.
