Ҳуқуқий жиҳатдан "Челси"га тегишли бўлган "Атлетико" дарвозабони Тибо Куртуа лондонликлар раҳбариятидан ўзини "Барселона" қўйиб юборишларини сўради. Бу ҳақда El Mundo Deportivo хабар тарқатди.
Бельгиялик дарвозабонни "Атлетико"нинг ўзи ҳам жамоада олиб қолишни истайди, аммо мадридликлар футболчининг трансферини тўлиқ сотиб олишга имкониятлари етмайди.
"Челси" бош мураббийи Жозе Моуриньо келгуси мавсумда Куртуага асосий дарвозабон сифатида қараётгани боис унинг "Барса"га ўтишига тўсқинлик қилиши мумкин.