The Telegraph нашрининг хабар беришича, "Ливерпуль" устози Брендан Рожерс янги мавсумда фойдаланмайдиган 12 футболчининг рўйхатини тузди.

"Қизиллар" ҳимоячи Даниэль Аггер ва яримҳимоячи Лукас Лейваларни сотиб юбормоқчи, шунингдек, Луис Альберто ва Яго Аспас трансферга қўйилган. Клуб "Наполи" билан дарвозабон Пепе Рейнанинг трансфер ҳуқуқини сотиб олиш бўйича келишувга эришган. Ижарада тўп сурганлар Виктор Мозес ("Челси") ва Али Сиссоко ("Валенсия") ўз жамоаларига қайтадилар.

Шунингдк, "Ливерпуль"дан ижарага олинган футболчиларнинг трансфер ҳуқуқлари ҳам ҳозир тўп сураётган клубларга сотилиши кўзда тутилган, булар: Фабио Борини ("Сандерленд") ва Усама Ассаидий ("Сток Сити").

Ёш ўйинчилар Жек Робинсон, Марин Келли ва Конор Коудилар ҳам трансферга қўйилган.

Клуб ушбу футболчиларни сотишдан тушган умумий ҳисобдаги 30 миллион фунт маблағдан  бир жуфт савияли ўйинчи сотиб олишни кўзламоқда.