“Арсенал” бош мураббийи Арсен Венгер айтишича, ярим ҳимоячи Жек Уилшир учта қиз билан биргаликда калян чакаётган ҳолатда тушган расм билан боғлиқ ҳолатни тушунтираётиб, ўйинчи кашанда одам эмаслигини билдирди. Уилширнинг ўзи бу расмни интернетга жойлаб, кейин ўчириб юборди.
“Мен у билан гаплашдим, у кашанда эмас. Албатта, Уилшир бундай иш бўлганидан афсус чекмоқда, аммо у ўз ҳаётини ўзи бошқариши керак. Ушбу расм ўйинчи Супербоул кўраётган вақтида олинган ва мен у ерда аслида нима бўлганини билмайман. Клубдан ташқарида у ҳаёти учун ўзи жавобгар.
Ҳозирги вақтда қаерга борманг, одамлар ҳар ерда расмга тушаётган бўлади. Аммо ҳаётингизнинг бир сонияси сизни кимлигингизни билдирмайди”, — деб championat.com ВВС нашрига таяниб Венгер сўзларидан келтиради.