“Барселона” ярим ҳимоячиси Иван Ракитич жамоадоши Неймар шаънига илиқ сўзларни билдириб ўтди.

“Месси – дунёнинг энг зўр футболчиси ва буни ҳамма билади. “Олтин тўп”ни бошқа ўйинчи ютиши мумкин, аммо Месси буюклигича қолаверади. Унга ўхшагани эса ҳеч қачон бўлмайди. 

Неймарда эса Лео сингари бўлиш учун барча имконият мавжуд. У жуда ёш ва жамоамиз учун керакли ўйинчи. Неймар яқин йилларда бундан ҳам кучли ўйин кўрсата бошлайди”, - дея championat.com El Mundo Deportivo нашрига таяниб Ракитич фикрларини келтиради.

Эслатиб ўтамиз, бразилиялик форвард жорий мавсум Испания чемпионатида 20 учрашувда иштирок этиб, 17та тўп киритди ва 4та голга ҳаммуаллифлик қилди.