“Барселона” клуби ҳужумчиси Неймар Чемпионлар лигаси 1/8 финалида “Манчестер Сити”га қарши кечган учрашувда “шаҳарликлар” мухлиси билан келишмовчилик ижтирокчисига айланди.

Неймар майдонни тарк этгач, 80-дақиқада футболчи ҳамда унга яқин бўлган “Манчестер Сити” ишқибозлари ўтирган сектордаги мухлис ўртасида жанжал юзага келди.

Келишмовчилик мезбон жамоа мухлисининг футболчини симулянтликда айблагани сабаб бўлган.

Қисқа “суҳбат”дан сўнг стадион қўриқлаш хизмати ходимлари уларни ажратиб қолишган.