Англия Премьер-лигаси 27-туридан ўрин олган «Манчестер Юнайтед» – «Сандерленд» учрашуви 2:0 ҳисобида Луи ван Гал шогирдлари ғалабаси билан якунланди.
Ўйиннинг 66-дақиқасида Жон О′Ши ўз жарима майдонида жуда қўпол ҳаракат қилиб, Фалькаони йиқитди ва ҳакам дарвоза томон пенальти белгилади. Ўйин ҳаками Роджер Ист бу вазиятда О′Ши ўрнига адашиб Уэс Браунни майдондан четлатди. Пенальти нуқтасига яқинлашган Уэйн Руни мўлжалдан адашмади, 1:0.
Бир киши кўп ҳаракат қилаётган «Манчестер Юнайтед» 84-дақиқада ҳисобни янада каттароқ кўринишга олиб келди. Уэйн Руни боши билан аниқ зарба йўллаб, дубл муаллифига айланди, 2:0.
